Ilulissat

Kort

Oqallisissatut saqqummiussaq

Isumassarsiap saqqummiunnerata imaraa naatsumik teknikkikkut nassuiarnera Namminersortut qanoq pilersaaruteqarnerannik Ilulissani mittarfiup annertusarnissaa pillugu aammalu allaaserineqarluni pilersaarusiornerup piffissami pisumi sumut killilisimanera.

Maannakkumut mittarfiusup miffiusisinnaasutut 845 m takissusillip 2200 m-mut tallisarnissaa atortoqartumik mikkiartornermi ikiuutaasunik, periarfissiisumik eqqorluaasumik minnermik minnerpaamik miffissiat arlaasa isuanni aammalu imaluunniit arlariinni.

Isumassarsiap saqqummiunnera aamma titartakkatut bilagit

IDEOPLÆG teknisk redegørelse for Selvstyrets planer om at etablere en lufthavn ved Ilulissat

Oversigtstegning 1:50.000 - Ilulissat lufthavn

Plantegning 1:10.000 - Ilulissat lufthavn

Anlægsprogram

Plan1-50000

1-5000

1-2000

Sanaartugassami ’Ilulissani Mittarfiup allineqarnera’ ASN-imut nassuiaatip tamanut ammasumik tusarniaassutigineqarnera.

Nassuiaat

Ilulissani maanna mittarfik 845 meterinik takissuseqarluni aamma 30 meterinik silissuseqarluni timmisartunit, Dash-8-nit annerusunit miffigineqarsinnaanngilaq. Taamaattumik mittarfiup 2.200 meterinut takissusilimmut aamma 45 meterinik silissusilimmut allineqarnissaa kissaatigineqarpoq. Taamatut alliliinerup kingunerisaanik timmisartut annerit (200-t missaat tikillugit ilaasoqarsinnaasut) mittarfimmik atuisinnaalissapput.

Maanna mittarfiup inissisimaffiani mittarfik allineqassaaq. Kisiannili mittarfissaq maanna mittarfiusumut naleqqiullugu avannamut kimmut, sinerissap tungaanut 150 meterinik nikingasumik sananeqassaaq. Maanna mittarfiusoq tallineqarsinnaanngilaq, mittarfiup takinerulernerani silaannartap akornuteqannginnissaanut piumasaqaatit annertusineqartussaammata. Maanna mittarfiusoq mittarfissap nutaap tungaanut timmisartumut aqqusinertut (taxivej) atorneqassaaq. Mittarfiup allineqarnissaata saniatigut aamma timmisartut annerit missinnaalernerisa aallartussanullu ilaasussat amerlinerisa kingunerisaannik terminalimi, garagemi, timmisartut unittarfianni il.il. inissaq annertunerusoq pisariaqartinneqalertussaavoq, taamaattumillu mittarfiup sananeqarnerata saniatigut aamma illunik sullissinermilu atortunik il.il. nutaanik sanasoqassaaq.

Innuttaasunik ataatsimiitsitsinissaq

Kalaallit Airports A/S atortut ilaasa avatangiisinut sunniutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartussat nalunaarutaat nr. 5, 27. marts 2013-meersoq naapertorlugu ASN-imut nassuiaat pillugu innuttaasunik ataatsimiititsinikuupput. Ilulissani innuttaasunik ataatsimiisitsineq marlunngornermi 8. marts 2018 ingerlanneqarpoq.

Tusarniaaneq

Kikkulluunniit suliamut soqutigisaqarsinnaasut tusarniaanermut akissuteqarnissamut kaammattorneqarput. Tusarniaaneq tamanut ammasumik ingerlanneqassaaq, aammalu ullormit tamanut ammasumik saqqummiunneqarfianiit sapaatit akunnerini arfineq pingasuni ingerlanneqassalluni.

Tusarniaanermi najoqqutassat ukununnga tunngasuupput:

Ilulissani Mittarfiup allineqarnissaa, ASN-imut nassuiaat

Ilulissani Mittarfiup allineqarnissaa, teknikkimut tunngassuteqanngitsunik eqikkaaneq

Ilanngussaq 1: Tunngavissatut nalunaarusiaq – Ilulissat naasut aamma uumasut

Ilanngussaq 2: Ilulissani mittarfimmut allissutissaq pillugu ASN Timmisartut nipiliornerat pillugu teknikkikkut nalunaarusiaq

Ilanngussaq 3: Mittarfik Ilulissat – ASN-nalunaarusiaq Takussutissiinerit

Ilanngussaq 4: Mittarfik Ilulissat – Kuutsitsisinnaanermut akuersissummik qinnuteqarneq pillugu paasissutissat

Illustrationer