Ilulissat

Mittarfik

Ilulissani Mittarfimmi sanaartornermik suliaqarnerit suliarineqarnissaat, suliassami tassani pineqarpoq. Lufthavnen i Ilulissani Mittarfik 2.200 meterimik mittarfilerlugu, minnermi aqqutissamik ataatsimik aammalu ataatsimik terminaleqarfilerlugu saqqaa aammalu terminalip aamma sullissiviit illutaannut sanaartorfissalerlugu, sananeqassaaq.

Ilulissani mittarfimmut, minnermi aqqutissamut aamma saqqaanut sanaartornermik suliaqarnerup saniatigut suliassami ilaatigut ilaatinneqarput Ilulissat illoqarfianit aqqutissamut aqqusinermut atassusiineq, qimussit aqqutaannik allanngortitsineq, terminaleqarfimmi biilinut unittarfiit, toqqavissanik aamma qaammaqqutinut napparutinik suliarinninneq, mittarfiup aamma terminalip sumiiffiisa iluanni kabelilersuinermut nunami suliassat, kuuffilersuineq kiisalu mittarfiup ungalulerneqarnera.

Suliariumannittussarsiuussineq ingerlavoq.

Terminalip Illutaa

Ilulissani mittarfiup allilerneqarneranut atatillugu timmisartoqarfiup illutassaannik nutaanik sananissamut suliassaq tunngassuteqarpoq. Tassani ilaatinneqarput terminalip illutaa nutaaq, sullissiviup illutaa nutaaq kiisalu AFIS-inut napasuliaq nutaaq.

Siunissami mittarfissaq maannakkut mittarfimmut sanilliullugu avannamut ungasinnerusumi aammalu sinerissamut qaninnerusumi inissisimaffimmi nutaamiilissaaq. Terminalip maannakkut sumiiffia allanngussanngilaq aammalu mittarfik pioreersoq matuneqarpat, mittarfimmut aqqusinermit pioreersumit terminalip nutaap sumiiffianut nutaamik aqqutissamik aqqusinniortoqassaaq. Mittarfiup sananeqarnerata nalaani terminalip sumiiffianut nutaamut aqqutaagallartussamik aqqusinniortoqassaaq.

Terminalip sumiiffiani nutaami mittarfiup atortuinut atortulersuutinullu terminalip illutaa nutaaq aamma sullissiviup illutaa sananeqassapput. Napasuliartaa terminalip sumiiffiata nutaap avannaatungaani napasuliap illutaani immikkoortumi inissinneqassaaq.

Aallartussat 300-it aamma tikittut 300-it ataatsikkut illutamiissinnaalerlugit terminalip illutaa nutaaq annertussusilerneqassaaq. Sullissiviup illutaa mittarfimmi ingerlatsinermut atortunik tamaginnik inissaqartitsiviusumik annertussusilerneqassaaq.

Sanaartornissamut pilersaarusiorneq ingerlavoq.

Mittarfik Ilulissat: ASN-nalunaarusiaq

Naalakkersuisut (Namminersorlutik Oqartussat) kissaatigaat Kalaallit Nunaanni ataqatigiinnermut attaveqarfinnik pitsanngorsarneqarnissaat. Ilagalugu kissaatigineqarpoq maannakkut Ilulissani mittarfiup allilerneqarnissaa.

Mittarfik Ilulissat (matuma kingorna; Ilulissani mittarfik) inissisimavoq sineriak malillugu Ilulissat illoqarfiata avannaani aamma qaqqap Akinnaap kataani. Ilulissat illoqarfia mittarfiup kujataani 2 km miss. inissisimavoq. Mittarfik suliarineqarsimavoq 1982-miit 1984-imut aamma mittarfeqarpoq, 845 meterisut takitigisumik aamma 30 meterisut silitsigisumik.

Mittarfimmik alliliinerup ilagai mittarfimmik nutaamik pilersitsineq takissutsimut 2.200 meterimut aamma silissutsimut 45 meterimut. Taamaalilluni mittarfik klassinut immikkoortiterneqarsinnaannguussaaq ”IMC-mittarfik tamanut ammasutut”, timmisartunit akunnattumik ungasissumillu imarsuit ikaarlugit ornitassanut timmisartuussisartunit atorneqarsinnaasoq. Mittarfimmik nutaamik pilersitsinerup saniatigut suliniummut ilaasumik illulianik atortorissaarutinillu nutaanik arlalinnik, biilinut inissiisarfinnik, kiisalu ataqatigiinnermut aaqqissuussinernik alliliineq/pilersitsineq pilersitsisoqassaaq.

ASN-nalunaarusiaq tamaat PDF-tut ikkusimavoq:

Mittarfik Ilulissat: ASN-nalunaarusiaq

Mittarfik Ilulissat: ASN-nalunaarusiaq