Nuuk

Mittarfik

Nuummi Mittarfik 2.200 meterimik mittarfilerlugu, minnermi aqqutissanik marlunnik aammalu ataatsimik terminaleqarfilerlugu saqqaa aammalu terminalip aamma sullissiviit illutaannut sanaartorfissalerlugu, sananeqassaaq.

Nuummi mittarfimmut, minnermi aqqutissanut aamma saqqaanut sanaartornermik suliaqarnerup saniatigut suliassami ilaatigut ilaatinneqarput Nuup illoqarfianit aqqutissanik aqqusinernik allanngortiterineq aamma atassusiineq, terminaleqarfimmi biilinut unittarfiit, toqqavissanik aamma qaammaqqutinut napparutinik suliarinninneq, mittarfiup aamma terminalip sumiiffiisa iluanni kabelilersuinermut nunami suliassat, imermut kuuffinnullu aqqusersuineq, erngup suliarineqanngitsup aqqutaannik allanngortiterineq kiisalu mittarfiup ungalulerneqarnera.

Suliariumannittussarsiuussineq ingerlavoq.

Terminalip illutaa

Terminalip illutaata aamma AFIS-inut napasuliap pioreersut isaterneqarnissaannut kiisalu Nuummi mittarfiup allilerneqarneranut atatillugu timmisartoqarfiup illutassaanik nutaanik sananissamut, suliassaq tunngassuteqarpoq.

Tassani ilaatinneqarput terminalip illutaa nutaaq, sullissiviup illutaa nutaaq kiisalu AFIS-inut napasuliaq nutaaq.

Maannakkut terminalip illutaa napasuliaq ilanngullugu isaterneqassaaq aammalu maannakkut terminalip sumiiffiata kujataatungaani mittarfiup atortuinut atortulersuutinullu terminalip illutaa nutaaq aamma sullissiviup illutaa sananeqassallutik. Napasuliartaa napasuliap illutaani immikkoortumi inissinneqassaaq, maannakkut atortunut garage-p kimmut saqqaani inissinneqassalluni.

Aallartussat 400-it aamma tikittut 400-it ataatsikkut illutamiissinnaalerlugit terminalip illutaa nutaaq annertussusilerneqassaaq. Sullissiviup illutaa mittarfimmi ingerlatsinermut atortunik tamaginnik inissaqartitsiviusumik annertussusilerneqassaaq.

Sanaartornissamut pilersaarusiorneq ingerlavoq.

Anlægsprogram og tegningsbilag:

Plan1-50000

Mittarfik Nuuk: ASN-nalunaarusiaq

Naalakkersuisut (Namminersorlutik Oqartussat) kissaatigaat Kalaallit Nunaanni ataqatigiinnermut attaveqarfinnik pitsanngorsarneqarnissaat. Ilagalugu kissaatigineqarpoq maannakkut Nuummi mittarfiup allilerneqarnissaa.
Nuummi mittarfik Nuup kangiata tungaani Quassussuup ataani inissisimavoq. Mittarfik suliarineqarsimavoq 1977-imit 1979-imut aamma mittarfeqarpoq, 950 meterisut takitigisumik aamma 30 meterisut silitsiigisumik.

Nalunaarusiaq tamaat PDF-tut ikkusimavoq:

ASN-nalunaarusiaq