Tusagassiuutitigut nalunaarut: Kalaallit Airport A/S-ip Aningaasaqarnermut pisortamik atorfinitsitsilluni pisortaaqatigiit amerlivai

Tusagassiuutitigut nalunaarut: Kalaallit Airport A/S-ip Aningaasaqarnermut pisortamik atorfinitsitsilluni pisortaaqatigiit amerlivai

06.06.2017

Kalaallit Airport A/S-imi siulersuisut Peter Wistoft, aningaasaqarnermut pisortatut atorfinitsippaat. Peter Wistoft ingerlatseqatigiiffimmi pisortaaqatigiinni ilaalissaaq, tamatuma saniatigut tassaniilluni Steffen Ulrich-Lynge, pisortaanertut ingerlaannarluni.

Peter Wistoft ulloq 1. august 2017 atorfimmi nutaami tassani aallartissaaq.

Peter Wistoft 53-inik ukioqarpoq, aammalu Kalaallit Nunaanni Deloitte-imut 1995 – 2017 piginnittutut atorfimmeersuulluni.

”Peter Wistoft ingerlatseqatigiiffimmi pisortaaqatigiinni ilaalernissamik neqeroorfigineqarnini, taamaalillunilu Nuummi, Ilulissani aamma Qaqortumi mittarfiliassat piviusunngortinneqarnissaannut peqataanissani, akuerimmagu, Kalaallit Airport A/S-imi siulersuisut naammagisimaartorujussuuaat.

Sanaartornermi suliassat taamatut annertutigimmata, aningaasaqarnikkut aningaasalersuinikkullu suliassat aqunneqarnerisa misilittagaqartumit pikkorissumillu, peqatigisaanillu Kalaallit Nunaannut aammalu ingerlatseqatigiiffinni Namminersorlutik Oqartussanit pigineqartuni pissutsinut annertuumik ilisimasaqartumit, isumagineqarnissaat pisariaqartinneqarpoq, aammalu Peter Wistoft-ip atorfinitsinneqarnerani tamanna pisinnaasoq misigisimavugut, oqarpoq Johannus Egholm Hansen, siulersuisunut siulittaasoq.”