Tusagassiuutitigut nalunaarut: VVM-it tusarniaassutigineqarnerat kinguartinneqarpoq

Tusagassiuutitigut nalunaarut: VVM-it tusarniaassutigineqarnerat kinguartinneqarpoq

4. December 2017

VVM-it tusarniaassutigineqarnerat kinguartinneqarpoq

Kalaallit Airports-ip ullumi, sisamanngorneq ulloq 4. december, Nuummi aamma Ilulissani mittarfinnut VVM-imut nassuiaatit tamanut saqqummiunneqaqqammersut tunuartippai.

Nalunaarusiat pitsaassusaanni qulakkeeriniarnermi kukkuneqarnera pissutigalugu tamanna pivoq.  Kukkuneq Kalaallit Airports-ip siunnersortaani NIRAS-imi pivoq, tassani nalunaarusiani tamanut saqqummersinneqartuni allannguutit kingulliit ilanngunneqarsimanatik.

VVM-imut nassuiaatinut tunngatillugu suliap ingerlanneqarnerani inatsisit atuuttut malinneqarnissaat Kalaallit Airports-ip pingaartippaa.  Nassuiaatit iluarsisat piffissap qanittup iluani naammassissasut naatsorsuutigineqarpoq, aammalu tamatuma kingorna Namminersorlutik Oqartussat tusarniaanermut nittartagaanni pissarsiarineqarsinnaalissallutik.

Tunuartitsineq Pinngortitamut Avatangiisinullu Naalakkersuisoqarfik qanimut oqaloqatigalugu pivoq. Tusarniaanermut piffissamut killiliussaq nutaaq nalunaarutigineqassaaq nalunaarusiat eqqortut saqqiummiunneqarpata.

Tunuartitsinerup kingunerisaanik Ilulissani aqagu 5. december, aamma Nuummi 7. december, innuttaasunik ataatsimiititsinissat pilersaarutigineqartut taamaatinneqarput. Ukiup nutaap aallartinnerani innuttaasunik ataatsimiititsinerit ingerlanneqarnissaannut aggersaasoqassaaq.