Nuummi mittarfissap timmisartuussinermi sillimaniarnermut tunngasut pillugit KNR-ip paasissutissanik kukkusumik paasissutissiinerinut oqaaseqaatit

Nuummi mittarfissap timmisartuussinermi sillimaniarnermut tunngasut pillugit KNR-ip paasissutissanik kukkusumik paasissutissiinerinut oqaaseqaatit

08.02.2019

Nuummi mittarfissap nutaap Trafikstyrelse-mit 2017-imi immikkut akuersissuteqartarnerni periutsit nalinginnaalluinnartut tunngavigalugit akuersissutit tunniunneqartut pillugit ulluni kingullerni KNR-imit allaaserisanik arlariinnik saqqummiussisasoqarpoq, tamatumani Naalagaaffiit Peqatigiit mittarfiliornermut nunat tamalaat akornini malittarisassatut innersuussutigisaanit, ICAO-mit, timmisartuussinermi sillimaniarnikkut piumasaqaatinik tamatumanilu pilersitsinerni sillimaniarnikkut killissarititanik annikinnerusoqarnerisa timmisartuussinerni sillimaniarnernikkut piumasaqaatinik sakkukilliisoqartoqartitsisoqarsimaneranik nipaqartitsisoqarluni. 

KNR-ip allaaserisaa sioqqullugu Kalaallit Airports A/S-ip Nuummi mittarfissap nutaap sillimaniarnikkut killissarititanut pissutsinut tunngasut pillugit sukumiisunik pissusiviusunit ilisimasanik tunngasunik imaqartunik allaganngorlugit KNR-ip tusagassiortua tunivaa. 

Taamaakkaluartorli KNR-ip tusagassiutini paasissutissat kukkusut ingerlakkai Kalaallit Airports A/S-ip paasivaa. Taamaammat toqqaannartumik kukkuneruvoq KNR-ip saqqummiummagu suliniutissatut siunnerfigineqartumi sillimaniarnikkut killissarititat 201 meter-iniit (105 meter-i illugiimmik) annikilliliisoqarsimasoq, tamatumani ICAO-p innersuussutigisai 300 meter-iusunut sanilliugu (150 meter-i illugiimmik).

Nuummi mittarfissaq nutaaq innersuussutigineqartutut sillimaniarnikkut killissarititat 300 meter-iussaaq (qeqqata tungaani killilerneqartumit illugiimmik 150 meter-imik) mittarfissap takissusissaatut. ICAO-p aammattaaq innersuussutigaa sillimaniarnermut killissarititaq illugiimmik 75 meter-inik pilersaarusiorneqassasoq. Kalaallit Airports A/S-ip illugiinnik 105-meter-isut takissusiliinissaq suliniummi siunnerfigaa. Taamaasilluni Nuummi mittarfissaq ICAO-p sillimaniarnikkut innersuussutigisaanit annerusumik killilersorneqarnissaa pilersaarusiorneqarluni.   

Taamaalilluni KNR-imit paasissutissiissutigineqartut pissutsinit piviusunit ilisimasanit, Kalaallit Airports A/S-imit KNR-imi tusagassiortumut ingerlateqqitaanik tunngaveqaratik paasissutissiisutigineqaraluartulli akerlianik kukkusimik ilisimatitsissuteqarput.   

”Ilisimasanik piviusunik tunngaveqanngitsumik KNR-ip tusagassiutitigut saqqummiussuinera toqqammavigalugu politikkikkut oqallittoqarnera Kalaallit Airports A/S-imit ajuusaarnartutut isigineqarpoq” siulersuisuni siulittaasoq Johannus Egholm Hansen oqarpoq.

Tusagassiuutinut nalunaarut matumani pineqartoq pillugu paasissutissanik sukumiinerusunik paasisaqarnerorusunnerni suliniummi pisortaq Jesper Nordskilde, oqarasuaat+299 342 142 attavigineqarsinnaavoq.