Ilulissani qillerinissamik qaartiterinissamillu pilersaarutit 03 / 2020

Ilulissani qillerinissamik qaartiterinissamillu pilersaarutit 03 / 2020

8. July 2020

VVM-mut akuersissuteqarnermi allassimavoq, piffissami sanaartorfiusumi qillerinernik qaartiterinernillu suliaqarnerit ingerlanneqarnissaannut pingaarnernut piffissamut pilersaarummik suliaqartoqassasoq. Piffissamut pilersaarummi qaartiterinermik ingerlatassatut pilersaarutigineqartut nassuiarneqassapput aammalu qaqqami qillerinernut aamma qaartiterinernut piffissat ilaatinneqassallutik. Pilersaarut qaammatinut pingasunut tullernut atuutissaaq aammalu qaartiterinernik suliaqarnerit ingerlatillugit, qaammatit pingasukkaarlugit nutarterneqartassalluni. Ilulissani innuttaasut pilersaarut pillugu paasissutissiivigineqassapput, taamaalillutik ingerlatassatut pilersaarutigineqartut pillugit paasisimassallugu.

Allakkiaq manna 2020-imi ukiup sisamanngorlugu aggornerisa pingajuanni qillerinernik qaartiterinernillu suliaqarnissanut pilersaarutigineqartunut pingaarnertigut piffissamut pilersaarummik imaqarpoq. Kalaallit Airports qaammatit pingasukkaarlugit piffissamut pilersaarutiminik naapertuuttunngortitsisarpoq, taamaattumik pilersaarut manna 2020-imi juulimut, aggustimut aamma septembarimut atuuppoq.

Ilanngussaq 1-imi ilanngunneqartumi suli suliniutip nunaminertaa tamarmiusoq takussutissiarineqarpoq, peqatigisaanillu 2020-imi ukiup sisamanngorlugu aggornerisa pingajuanni sumiiffik qaartiteriviusussaq takutinneqarluni. 

Sumiiffinnut qaartiteriviusussanut nunap assinga takussutissiaq

Suliassap nunaminertaa sumiiffinnut aggulunneqarluni, qaartiterinernik suliaqarnernut pingaarnernut pilersaarut, pingaartumik mittarfimmi ingerlatsinermut qaartiterinermi navianaateqartut iliuuseqarfigineqarnissaannut tunngassuteqarput. Sumiiffinnut aggulunneq KAIR-ip entreprenørianit pingaarnermit – Munck Gruppen A/S kiisalu Munck Civil Engineering A/S (Munck) – suliarineqarpoq aammalu qaartiterinernik ingerlataqarnissamut tunngatillugu suliassap nunaminertaata nunami sumiiffinnut aggulunneqarneranut takutitsilluni.

Suliniuteqarfimmut aqqusinniornissaq sulisullu najugaqarfissaannik pilersitsinissaq 2020-imi ukiup sisamanngorlugu aggornerisa pingajuanni qaartitserinermi siunertaavoq. Aqqusinniortoqareerpat qaqqap qanoq ittuuneranut tunngasut ilisimasaqarfigineqalissapput, tamannalu suliniuteqarfiup sinnerata qanoq piffissanilu suni qaartiterneqarnissaanut ilaassaaq.

Qaartiterinernik ingerlataqarneq

Naatsorsuutigineqarpoq 2020-imi ukiup sisamanngorlugu aggornerisa pingajuanni (2020mi juulip aallaqqaataaniit septembarip 30ata tungaanut) 92.500 m3 tikillugit qaartiterisoqassasoq.

Piffissami 22-07 qaartiterisoqartassanngilaq.

Qillerinernik suliaqarnerit 2020-imi qaammatit pingasukkaat pingajuannut qaartiterinissanut pilersaarummut atasut

Piffissami ataasinngornermiik arfininngornermut (07 – 18), sapaammut periarfissaqarluni, sumiiffinni qaartiterneqartussani qillerinernik suliaqarneq ingerlanneqassasoq pilersaarutigineqarpoq.

Ilanngussaq 1 – Munck-ip 2020-imi ukiup sisamanngorlugu aggornerisa pingajuanni sumiiffiit qaartiterivissai.

Munck-ip 2020-imi ukiup sisamanngorlugu aggornerisa pingajuanni sumiiffiit qaartiterivissai.