Kalaallit Airports Holding A/S-imut Suliniutinut isumaqatigiissutinullu aqutsisoq
Ilulissani mittarfiliornermik suliniummut suliniutinut isumaqatigiissutinullu aqutsisumik pissarsiorpugut.
Entreprisenut, claimsinut aamma suliniummik siulersuinermut tunngasuni nukittuunik piginnaasaqarpit? Kalaallit Airports Holding A/S Kalaallit Nunaanni sanaartornermik suliniutit annersaannut sanatitsisuuvoq – Nuummi, Qaqortumi Ilulissanilu nutaanik pingasunik mittarfiliornermut. Ilulissani suliniummut allaffitsinnut suleqatissatsinnik pissarsiorpugut.
Atorfik pillugu nalinginnaasumik paasissutissat
Ilulissani mittarfiup nutaap piviusunngortinnissaanut atuutilersinnissaanullu atatillugu Kalaallit Airports Holding A/S suliniutinut isumaqatigiissutinullu aqutsisumik pissarsiorpoq.
Ulluinnarni sulineq Ilulissani campimi allaffitsinnit ingerlanneqartassaaq. Sanaartornermik suliaq pingaarnertut suliamik ingerlatsinertut suliarineqarpoq, tamatumanilu Inuplan sanaartornermik siulersuinermik isumaginnittuulluni. Sanaartornermut pisortaq ulluinnarni qullersarissavat.
Suliniutitsinni pisariussutsip suliassat unammillernartunngortillugillu tamatigoortunngortippai. Ulluinnaat suliassaqarfiit akimorlugit suliaqarnermik, siunnersortinut, oqartussanut sanaartornermillu ingerlatsisunut, suliaqarfiupput.
Suliassat pingaarnerit tassaassapput:
- Sanaartornermik ingerlatsisut, siunnersorti aamma sanatitsisunut siunnersorti pillugu isumaqatigiissutinik tamakkiisunik isumaginninneq
- Sanaartornermik ingerlatsisunit piumasaqaatinik ingerlaavartumik allakkiaatinut ikkussuineq
- Siunnersortimi ATR-inik ingerlaavartumik nutarterineq
- Sanaartornermik ingerlatsisunik sanaartornermillu siulersuinik ataatsimeeqateqarnermut ingerlaavartumik peqataaneq
- Allaffiup ingerlanneqarneranut ikiuunneq
Kinaassutsit
Aaqqissugaanikkut suliffeqarfiugatta mikisunnguusoq, politikkimit pisortanillu ilimagisat qaffasissuuffigisaanni, pingaaruteqarpoq, ulluinnarni ulapaarfiusumi avatangiisini tamatigoortuni ilorrisimaarsinnaanissat sulisinnaanissallu. Tamakkiisumik pitsaasumik takunnissinnaassuseqassaatit, suliffeqarfimmi siunnersortinik suleqateqarnerup suliassaqarfiillu akimorlugit suliassanik isumaginninnerup ulluinnarnut annertuumik ilaaffigisaanni.
Misilittakkatit
- Sanaartornermik suliniutini angisuuni suliniummik siulersuinermik misilittagaqarneq
- Sanaartornermik siunnersuinermik suliaqarfiup iluani attuumassutilimmik ilinniagaqarsimaneq
- Isumaqatigiissutinik aqutsinermik ilisimasaqarneq
- Byggewebimik ilisimasaqarneq
- Allattariarsornermi oqaluttariarsornermi A-niveaumi qallunaatoorsinnaaneq
- Allattariarsornermi oqaluttariarsornermilu minnerpaamik B-niveaumi tuluttoorsinnaaneq
Neqeroorutigaavut
Atorfik pissanganartoq tamatigoortorlu, suleqatigiinni suliassaqarfiit akimorlugit suleqatigiissortatsinnut ilaaffigisassat. Sullivimmi avatangiisit pitsaasuupput, ilorrisimaarneq, suliamik aallussineq ataqqeqatigiinnerlu pingaartinneqarlutik. Atorfik piffissaq tamaat atorfittut 40 timer/sapaatip-akunneranut neqeroorutigineqarpoq. Aningaasarsiat atorfinitsitaanermilu atugassarititaasut piginnaasat naapertorlugit inuttut ataasiakkaatut isumaqatigiinniutigineqassapput. Feeriarnissaq il.il. Kalaallit Nunaanni feeriarnermut inatsit atuuttoq naapertorlugu pissarsiarneqarlunilu atorneqartassaaq, tamatumanili uagut sapaatip-akunneranik immikkut feeriarnissamik tunniussaqartassalluta. Pisariaqartitsineq naapertorlugu inissaqartitsisoqarsinnaavoq.
Atorfinitsinneqarnissamut piumasaqaataavoq, naammaginartumik inerneqartumik tunuliaquttanik nakkutilliinermik naammassisaqarsinnaanissat atorfinitsitaanermut aamma piffissamut atorfeqarfiusumut tamarmiusumut atatillugu.
Apeqqutit qinnuteqaatillu uunga nassiunneqassapput: Anlægschef, Erlingur Leifsson, mail ejl@kair.gl aqqutigalugu – qinnuteqaatit oqaloqatiginninnerillu ingerlaavartumik isumagineqassapput.
Suliniutit pillugit paasisaqarnerugit uani: www.kair.gl