Neqeroorutinik tunniussinissamut piffissarititaq sivitsorneqarpoq

Nuummi Ilulissanilu mittarfinnik sanaartornissamut neqeroorutinik tunniussinissamut piffissarititaq, aallaqqaammut 15. maaji 2019-imut aalajangiunneqarsimagaluartoq, kisianni 14, juuni 2019-imut sivitsorneqarpoq.

”Suliassanik suliassinneqartartut piareersaataasumik piukkunnartutut nalilerneqarsimasut arlallit, Nuummi Ilulissanilu mittarfinnik nutaanik sanaartornissamut neqeroorutit naammassinissaannut piffissamik sivisunerusumik qinnuteqarsimapput. Siulersuisut oqaatigaat, sanaartornermi suliat annertoorujussuit pineqartut, taamaammallu neqeroorutit suliarinerat annertusoq aamma pisariusoq. Siulersuisut isumaqatigiittut, taamaammat aalajangersimapput, piffissarititamik sivitsuinissamut qinnuteqaat akueriniarlugu, taama suliassanik suliassinneqartartut neqeroorutit tunniunneqartussat suliareqqissaarnissaannut naammattumik piffissaqaqqullugit”, oqaaseqarpoq Peter Wistoft, pisortaaneq.

Kalaallit Airports Internationalip naatsorsuutiginngilaa, neqeroorutinik tunniussinissamut piffissaliussap sivitsornera, sanaartorluni suliat septembari 2019-imi aallartinnissaannut sunniuteqassasoq.

*****

Tusagassiutinut nalunaarut una pillugu saaffiginnissutit ingerlatseqqinneqarsinnaapput uunga Peter Wistoft, pisortaaneq oqarasuaat +45 25 42 40 33