Oqaluttuarisaanerput

Kalaallit Airports-imi ingerlatseqatigiiffiit pingasuupput: Kalaallit Airports Holding A/S, Kalaallit Airports International A/S aamma Kalaallit Airports Domestic A/S. Kalaallit Airports A/S Namminersorlutik Oqartussanit ulloq 1. juli 2016 pilersinneqarpoq. Ingerlatseqatigiiffiup siunertaraa Nuummi, Ilulissani aamma Qaqortumi mittarfinnik sanaartornissaq, piginnittuunissaq ingerlatsinissarlu.

Aaqqissuussaaneq pilersinneqarpoq

Ingerlatseqatigiiffimmik pilersitsinermi, Nuummi Ilulissanilu nunanit tamalaanit mittarfiit allilerneqartut pilersinnissaannut aammalu Qaqortumi atlantikup avannaani mittarfiliornissamut periarfissat misissornissaat siunertaralugu, aaqqissuussaanerup ataatsimoorluni piginnaasaqarfiusup pikkorissuseqarfiusullu pilersinneqarnissaa periarfissaqalerpoq.

Danskit naalagaaffiat piginneqataalerpoq

Namminersorlutik Oqartussat Danskit Naalagaaffiannut Ilulissani aamma Nuummi mittarfissanut aningaasalersueqataanissaq pillugu isumaqatigiissuteqarnerannut atatillugu, danskit naalagaaffiat Kalaallit Airports International A/S-ip 33,3%-anik piginnittuulerpoq. Tamatuma kingorna 2019-imi februaarimi Kalaallit Airports A/S-ip allatut taaguutigilerpaa Kalaallit Airports Holding A/S.

Ingerlatseqatigiiffiit nutaat pilersinneqarput

Ulloq 8. januar 2019 Kalaallit Airports International A/S aamma Kalallit Airports Domestic A/S pilersinneqarput. -International A/S-imut siunertaavoq Ilulissani Nuummilu nunanit tamalaanit mittarfinnik marlunnik sanaartornissaq -Domestic A/S-imi siunertaalluni Qaqortumi atlantikup avannaani mittarfimmik sanaartornissaq.

KAIR Holding A/S-ip, Namminersorlutik Oqartussanit 100%-imik pigineqartup, Danskit Naalagaaffiat piginneqatigalugu International A/S, Nuummi Ilulissanilu sanaartortussaq, pigisaraat. Paarlattuanik Namminersorlutik Oqartussat ingerlatseqatigiiffik Domestic, Qaqortumi mittarfimmik sanaartortussaq, 100%-imik pigisaraat.

Mittarfeqarfiit KAIR-imut ilannguppoq

2022-mi Inatsisartut, Mittarfeqarfiit suliffeqarfik namminersortitamit aktieselskabimut allanngorneqarnissaanut, inatsimmik akuersipput, kiisalu kingusiinnaq Kalaallit Airports Holding A/S-imit ingerlatseqatigiiffiutigisanngorluni. Allanngoriartuinerup ingerlanerani Mittarfeqarfiit A/S decembarip 30-ani 2022-mi pilersinneqarpoq, taamaalillunilu 100%-imik Kalaallit Airports A/S-imit ingerlatseqatigiiffiutigisatut pigineqalerluni. Taamaalilluni Kalaallit Nunaanni mittarfinni suliat tamarmik suliffeqarfissuarmi immikkoortortalimmi ataatsimoortinneqarput.

Siulersuisut

Greenland Airports-imi ingerlatseqatigiiffiit sisamaapput: Greenland Airports – Mittarfeqarfiit A/S, Greenland Airports International A/S, Greenland Airports Construction aamma Greenland Airports Regional.

Aktiaatileqatigiiffiit tamarmik immikkut siulersuisoqarput. Ingerlatseqatigiiffinni marlunni, Greenland Airports Construction-imi aamma Greenland Airports – Mittarfeqarfiit A/S-imi, siulersuisuni inissat sisamaapput. Inuit sisamat taakkua, siulersuisuni pingasuni tamaginni ilaasortaapput. Taakkunannga siulittaasoq aammalu siulittaasup tullia aammattaaq siulersuisuni aqutsisuniipput.

Danskit Naalagaaffiata Nuummi Ilulissanilu mittarfissani aningaasalersueqataasussanngorneranni Greenland Airports International A/S-imi siulersuisut ilaasortanik marlunnik, 4-iniit 6-nngorlugit, ilaneqarput.

Danskit Naalagaaffiannut isumaqatigiissummut ilaatillugu, Danskit Naalagaaffiat Greenland Airports International A/S-imi siulersuisunut ilaasortanik marlunnik toqqaasussaavoq. 

Aqqissuussaaneq

Greenland Airports Gruppen-imi ingerlatseqatigiiffiit pingasuupput, taakkununnga siulersuisoqarluni. Suliassap aaqqissuussaanera, ilanngullugu aaqqissuussaanermik piukkunnartunik sulisoqartumik pilersitsineq, Greenland Airports – Mittarfeqarfiit A/S-imiitinneqarpoq. Sanaartornermik suliassat inatsisitigut aningaasaqarnikkullu ingerlatseqatigiiffinni allani marlunni pisussaaffigineqarput: Greenland Airports International, Ilulissani Nuummilu mittarfiliortussaq, kiisalu Greenland Airports Construction, Qaqortumi mittarfiliortussaq.

Pisortat

Pisortaasut tassaapput pisortaaneq (CEO), suliassanut pisortaq (EPO) aammalu Aningaasalersuinermut Aningaasaqarnermullu pisortaq (CFO). Annertunerusut takukkit uani

Sulisut

Sulisut tamarmik, pisortaasut ilanngullugit, Greenland Airports – Mittarfeqarfiit A/S-imi atorfinitsinneqarput. Qanoq aaqqissuussaanersugut takuniarlugu aammalu sulisunut ataasiakkaanut attaveqarfissanut paasissutissat takuniarlugit una tooruk.

Atorfiit inuttaqanngitsut

Greenland Airports – Mittarfeqarfiit A/S-imi atorfiit inuttaqanngitsut takuniarlugit una tooruk. Qinnuteqarfigerusutarnik soqanngippat, tamatigut kaammattorneqarnak qinnuteqaatit nassiussinnaavat, taannalu nuannaarutigalugu tigussuarput.

Suliffeqarfimmiit suliffeqarfimmut (B2B)

Neqeroortitsinermut najoqqutassat tamarmik ikkunneqartarput uunga www.byggeweb.dk

Najoqqutassat aakkit

Sulisut assingi, logo-t, ilusilersuinerup malittarisassartai aammalu najoqqutassat aaneqarsinnaasut allat uani aaneqarsinnaapput.