SMS-ikkut kiffartuussineq pisarnertut ingerlaqqilerpoq

SMS-ikkut kiffartuussineq ullaap tungaa Kalaallit Airports International A/S-ip SMS-ikkut kiffartuussivianit 1999-imi ussassaarutinik kissaatiginngisanik takkuttoqarnerata kingorna maanna tamakkiisumik atuuteqqilerpoq.

Taamaalilluni Nuummi qaartitsinissaq minutsit 30-it pallittut sioqqullugit SMS-ikkut nalunaarfigineqarsinnaanngorluni, kiisalu qaartitsereernermi SMS-ikkut nalunaarfigineqartarnikkut kiffartuunneqarsinnaanissamut nalunaartoqaqqissinnaalerpoq.

SMS-ikkut kiffartuussineq inu:it A/S-imit Tele Post A/S-imiillu isumagineqarpoq. Kiffartuussinermut qarasaasiakkut sullississut unnuap ingerlanerani taarserneqarpoq tamatumunngalu atatillugu SMS-ikkut misiliut qarasaasiakkut sullississummi naalakkiutip, piumasaqaatip aalajangersimasup eqquutsinneqarnissaata tungaanut uteqattaalerluni.

Tamanna ullaaq manna innuttaasut amerlaqisut Kalaallit Airportip Gruppiata SMS-ikkut kiffartuussivianit 1999-imit SMS-ikkut kissaatiginngisanik ussassaaruteqalerneranik nassataqarpoq. Ajornartorsiulli nal. ak. marluk qaangiunneranni aaqqiivigineqarpoq kiffartuussivillu maanna tamakiisumik atuutileqqilluni.

Nuummi innuttaasut kiffartuussivimmik atuiinnarnissaat taamaalillutillu oqaluttuarisaanermi suliniummi annertuumi malinnaanissaat neriuutigaarput.

SMS-ikkut kiffartuunneqarnissamut peqataaniarlutit SMS-imik”tilmeld” oqaasertalimmik peqataajunnaarniaruillu ”afmeld” oqaasertalimmik 1999 imut nassiussinikkut nalunaarit.

Paasissutissat sukumiinerusut attaveqatigiinnermi pisortap Malene Lynge-p mailikkut: pr@kair.gl imal. oqarasuaatikkut (+299) 55 01 64 attavigineragut pissarsiarineqarsinnaapput.