Ukiup sisamararterutaata pingajuanni Nuup mittarfiani qaartiterinissanik pilersaarusianik allannguinerit
Nuummi qillerinissamik qaartiterinissanillu pilersaarutip ukiup sisamararterutaata pingajuanni ulloq 27.aggusti aallarnerfigalugu allanngortinneqarpoq.
Allannguinerup kingunerisaanik qaartiteriffiit takussutissiami 1-imiittut ulluunerani akunnerit pingasuusut, maanna nalunaaqutaq 08.00-imiit nalunaaqutaq 21.00-imut ingerlanneqalissapput.
Qaartiterinernik suliat ingerlanneqarnissaani pilersaarusiornerni eqaallisaanissat pisariaqartinneqarneri aallaavigalugit Munck Gruppenimit kissaateqartoqarnera allannguinerni tunngaviuvoq. Sulisut nikinnerini nalinginnaasumik qaartiterinerit aaqqissuunneqartarput, sanaartorfimmi maskinat sulisullu ikinnerpaaffissaminiinnerini. Qaartiterinerit kittaartumik aalajangersimasumillu nalunaaqutalersorneqarneri ingerlanneqarnissai Nuummi innuttaasunit suli naatsorsuutigineqarsinnaassaaq, allannguiffeqartoqarsinnaanerali naatsorsuutigineqarsinnaassalluni.
Nuummi qaartiterinerit pillugit Kalaallit Airports-ip SMS-ikkut nalunaaruteqartarfiatigut ilanngunnikkut qaartiterinerit ingerlanneqartarneri pillugit malinnaatinneqarluarsinnaaneq aqqutissaqqinnerpaavoq. Nuummi qaartiterinissat minutsit 30-it angullugit sioqqutsisumik qaartitsinnginnerni SMS-ikkut nalunaarfigitittarnerit ingerlanneqartarput, qaartiterisoqareerneratalu kingorna aamma SMS-imik nalunaarummik aamma nassitsisoqartarluni.
Sullinneqarnissamik nalunaarfigitittarnissallu ilannguffigiumagaanni SMS-imik normumut 1999 nassitsinikkut kiisalu SMS-imi allallugu ALLATSINNEQ nassiussinikkut ilannguttoqarsinnaavoq.
Qaartitigassat annertussusaat suli taakkuuginnarput. Nuummilu innuttaasut allatut oqaatigalugu maannamut qaartiterisoqarsimaneranit annertunerusumik qaartiterisoqarneranik misigisaqassanngillat. Ukiup sisamararterutaata pingajuanni 1,1 mio.m3-it qaartiterneqarnissaat pilersaarusiorneqarnikuuvoq.
Takussutissiaq 1-imi sumiiffiit 1 aamma 6 pineqarput.
Ungasinnerpaami sumiiffiit issimasuupput, tassa maanna mittarfiusup sumiiffiup naanerata avannaata tungaani aammalu kujataata tungaani. Sumiiffiit takussutissiami 2,3,4 aamma 5-imi mittarfimmut qaninnerniipput.
Taaneqartuni qaartiterisoqalersillugulu mittarfimmi timmisartuussinerit akunneq ataaseq affarlu matoqqatinneqartassapput. Qaartiteriffissallu taaneqartuni pilersaarusiorneqareersut allanngortinneqanngillat.
Pilersaarusiat allannguiffigineqartut ulloq 27. august aallarnerfigalugu kiisalu 30.september ilanngullugu atuutissapput.
Apeqquteqaatissaqartoqartillugu saaffigineqarsinnaavoq attaveqarnermut pisortaq,
Malene Lynge oqarasuaat: 550164,
malene@kair.gl