Ilisimatusarnermut Avatangiisinullu Naalakkersuisoqarfik
Att. Tilde Roland Høberg
17. martsi 2021
Nuummi 2021-mi qaammatit pingasukkaat aappaanni qillerinernik qaartiterinernillu suliaqarnernut piffissamut pilersaarut pillugu
Aallaqqaasiut
VVM-mut akuersissuteqarnermi allassimavoq, piffiissami sanaartorfiusumi qillerinernik qaartiterinernillu suliaqarnerit ingerlanneqarnissaannut pingaarnernut piffissamut pilersaarummik suliaqartoqassasoq. Piffissamut pilersaarummi qaartiterinermik ingerlatassatut pilersaarutigineqartut nassuiarneqassapput aammalu qaqqami qillerinernut aamma qaartiterinernut piffissat ilaatinneqassallutik. Pilersaarut qaammatinut pingasunut tullernut atuutissaaq aammalu qaartiterinernik suliaqarnerit ingerlatillugit, qaammatit pingasukkaarlugit nutarterneqartassalluni. Nuummi innuttaasut pilersaarut pillugu paasissutissiivigineqassapput, taamaalillutik ingerlatassatut pilersaarutigineqartut pillugit paasisimassallugu.
Allakkiaq manna 2021-mi qaammatit pingasukkaat aappaanni qillerinernik qaartiterinernillu suliaqarnissanut pilersaarutigineqartunut pingaarnertigut piffissamut pilersaarummik imaqarpoq. Kalaallit Airports qaammatit pingasukkaarlugit piffissamut pilersaarutinik naapertuuttunngortitsisarpoq, taamaattumik pilersaarut manna 2021-mi apriilimut, maajimut aamma juunimut atuuppoq.
Ilanngussaq 1-imi ilanngunneqartumi suli suliniutip nunaminertaa tamarmiusoq, qaartiterinernik ingerlataqarnissamut tunngatillugu sumiiffinnut arfinilinnut aggulunneqartoq, takussutissiarineqarpoq.
Sumiiffinnut qaartiteriviusussanut nunap assinga takussutissiaq
Suliassap nunaminertaa sumiiffinnut aggulunneqarluni, qaartiterinernik suliaqarnernut pingaarnernut pilersaarut, pingaartumik mittarfimmi ingerlatsinermut qaartiterinermi navianaateqartut iliuuseqarfigineqarnissaannut tunngassuteqarput. Sumiiffinnut agguluineq KAIR-ip entreprenørianit pingaarnernit – Munck Gruppen A/S kiisalu Munck Civil Engineering A/S (Munck) – suliarineqarpoq aammalu qaartiterinernik ingerlataqarnissamut tunngatillugu suliassap nunaminertaata nunami sumiiffinnut aggulunneqarneranut takutitsilluni. Takussutissiat qaartiterinermut isikkivittaqartut KAIR-imit suliarineqarput.
Pingaarnertigut immikkoortut
Mittarfik immikkoortuni pingaarnerni marlunni sananeqassaaq:
- Immikkoortoq 1, 2019-imi oktobarimiit 2021-imi juulimut ingerlanneqassaaq.
Taanna suliassap nunaminertaata kujasinnerusortaanut tunngassuteqarpoq. Tassani mittarfissap nutaap affaa siulleq sananeqassaaq. Immikkoortoq 1-imi qaartiterinernik suliaqarnerit pingaarnerit sumiiffinni 1-imi, 2-imi, 4-mi aamma 6-imi ingerlanneqassapput, sumiiffik 3-imi aamma 5-imi qaartiterinernit pisariaqartinneqannginnerullutik.
- Immikkoortoq 2, 2021-imi juulimiit 2023-imi aggustimut suliarineqassaaq.
Tassani mittarfiup ingerlanneqarnera mittarfiup affaanut nutaamut nuunneqassaaq, mittarfik pioreersoq atorunnaarsinneqassaaq aammalu mittarfiup nutaap avannarpasinnerusortaa sananeqassalluni. Qaartiterinermik suliaqarnerit pingaarnerit sumiiffimmi 3-imi, 4-imi, 5-imi aamma 6-imi ingerlanneqassapput.
2021-mi qaammatit pingasukkaat aappaanni qillerinernik qaartiterinernillu suliaqarnerit pingaarnersai sumiiffik 1- imi, 2-imi aamma 3-imi ingerlanneqassapput, kisianni Siaqqinnerup aqqutaanut pilersussamut qaartiterineq sumiiffimmi 4-imi, 5-imi aamma 6-imi aallartissasoq aamma naatsorsuutigineqarluni.
Qaartiterinernik ingerlataqarneq
Akuersissutit qaartiterinernut tunngassuteqartut tamarmik piniarneqareerput aammalu qaartiterinernik suliaqarnerit aallartinneqareerlutik. Qaartiterinernik suliaqarnerup annertunersaa sanaartornermut immikkoortumi ukiuni marlunni siullerni ingerlanneqarnissaa naatsorsuutigineqarpoq. Suliassaq maannakkut qaartiterinernut annertunerusunut (20.000 m³ sinnerlugu) killiffeqarpoq, taamatuttaaq annikinnerusunik qaartiterisoqartarumaarpoq.
Qaartiterinernik suliaqarnerit suliassap nunaminertaata kujasinnerusortaani ingerlanneqarnerussapput, kisianni aamma avannamut kangisissortaani pisinnaassallutik.
Piffissami 22-07 qaartiterisoqartassanngilaq.
Qillerinernik suliaqarnerit 2021-imi qaammatit pingasukkaat aappaanni qaartiterinissanut pilersaarummut atasut
Munck-ip qillerinernut qamutit arlalissuit qaartiterinissanut qillerinernut atornissaat naatsorsuutigaa aammalu qillerinernik suliaqarneq ataasinngornermiit arfininngornermut, aammalu pisariaqarpat sapaammi, ulloq unnuarlu ingerlanneqassasoq.
SMS atorlugu kiffartuussineq
Kalaallit Airports SMS atorlugu kiffartuussinermik pilersitsivoq, tassani innuttaasut paasissutissinneqarnissamik kissaateqartut ilanngutsissinnaallutik, aammalu qaartitsinissaq sioqqullugu paasissutissinneqarsinnaallutik.
Aaqqissuussinermut taamaattumut qanoq ilanngutsissinnaanerluni paasissutissat Kalaallit Airports A/S-ip nittartagaani ikkunneqassapput.
Ilanngussaq 1 – Munck-ip 2021-imi qaammatit pingasukkaat aappaanni sumiiffiit qaartiterivissai.
