Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Att. Tilde Roland Høberg
23. september. 2021
Ilulissani 2021-mi qaammatit pingasukkaat sisamaanni qillerinernik qaartiterinernillu suliaqarnernut piffissamut pilersaarut pillugu
Aallaqqaasiut
VVM-mut akuersissuteqarnermi allassimavoq, piffiissami sanaartorfiusumi qillerinernik qaartiterinernillu suliaqarnerit ingerlanneqarnissaannut pingaarnernut piffissamut pilersaarummik suliaqartoqassasoq. Piffissamut pilersaarummi qaartiterinermik ingerlatassatut pilersaarutigineqartut nassuiarneqassapput aammalu qaqqami qillerinernut aamma qaartiterinernut piffissat ilaatinneqassallutik. Pilersaarut qaammatinut pingasunut tullernut atuutissaaq aammalu qaartiterinernik suliaqarnerit ingerlatillugit, qaammatit pingasukkaarlugit nutarterneqartassalluni. Ilulissani innuttaasut pilersaarut pillugu paasissutissiivigineqassapput, taamaalillutik ingerlatassatut pilersaarutigineqartut paasisimassallugit.
Allakkiaq manna 2021-mi qaammatit pingasukkaat sisamaanni qillerinernik qaartiterinernillu suliaqarnissanut pilersaarutigineqartunut pingaarnertigut piffissamut pilersaarummik imaqarpoq. Kalaallit Airports qaammatit pingasukkaarlugit piffissamut pilersaarutinik naapertuuttunngortitsisarpoq, taamaattumik pilersaarut manna 2021-mi oktobarimut, novembarimut aamma ´decembarimut atuuppoq.
Ilanngussaq 1-imi ilanngunneqartumi suliniutip nunaminertaa tamarmiusoq takussutissiarineqarpoq, peqatigisaanillu 2021-mi qaammatit pingasukkaat sisamaanni sumiiffik qaartiteriviusussaq takutinneqarluni.
Sumiiffinnut qaartiteriviusussanut nunap assinga takussutissiaq
Suliassap nunaminertaa sumiiffinnut aggulunneqarluni, qaartiterinernik suliaqarnernut pingaarnernut pilersaarut, pingaartumik mittarfimmi ingerlatsinermut qaartiterinermi navianaateqartut iliuuseqarfigineqarnissaannut tunngassuteqarput. Sumiiffinnut agguluineq KAIR-ip entreprenørianit pingaarnernit – Munck Gruppen A/S kiisalu Munck Civil Engineering A/S (Munck) – suliarineqarpoq aammalu qaartiterinernik ingerlataqarnissamut tunngatillugu suliassap nunaminertaata nunami sumiiffinnut aggulunneqarneranut takutitsilluni.
2021-mi qaammatit pingasukkaat sisamaanni qaartiterinernik suliaqarnerni, suliassap sumiiffianut sanaartornermi aqqusinissamik sananissaq kiisalu terminaleqarfimmi qaartiterinissaq siunertaavoq.
Qaartiterinernik ingerlataqarneq
Piffissami 22 - 07 qaartiterisoqartassanngilaq.
Qillerinernik suliaqarnerit 2021-mi qaammatit pingasukkaat sisamaanni qaartiterinissanut pilersaarummut atasut
Qillerinernik suliaqarnerit ataasinngornermiit arfininngornermut, pisariaqarpallu sapaammi, ulloq unnuarlu ingerlanneqartarnissaat pilersaarutigineqarpoq.
Ilanngussaq 1 - Munck-ip 2021-mi qaammatit pingasukkaat sisamaanni qaartiterivissai.
Ilanngussaq 1
