Tusagassiuutitigut nalunaarut: Kalaallit Airport Ilulissani, Nuummi aamma Qaqortumi mittarfissani terminalip aamma sullissiviit illutassaannut siunnersuummik suliaqarnissamut siunnersortinik piukkunnartussarsivoq

Kalaallit Airport Ilulissani, Nuummi aamma Qaqortumi mittarfissani terminalip aamma sullissiviit illutassaannut siunnersuummik suliaqarnissamut siunnersortinik piukkunnartussarsivoq

Siunnersuisartooqatigiit sisamat Kalaallit Airports A/S-ip Ilulissani, Qaqortumi aamma Nuummi mittarfissani terminalip aamma sullissiviit illutassaannik sanaartornissamut pilersaarusiorneq pillugu unammisitsinerani peqataanissamut piukkunneqarlutik peqataasussanngorput.

Kalaallit Airport A/S-ip 2017-imi aggustimi COWI A/S Ilulissani, Nuummi aamma Qaqortumi mittarfinnut sanaartornissamut pilersaarusiornissamut siunnersortitut toqqareermagu, ingerlatseqatigiiffiup ullumi siunnersuisooqatigiit sisamat Ilulissani, Nuummi aamma Qaqortumi mittarfissani terminalip aamma

sullissiviit illutassaannik sanaartornissamut pilersaarusiornissaq pillugu unammisitsinermi peqataanissamut piukkunnartussarsiornermi peqataasussanngortippai.

Ingerlatseqatigiiffiup piukkunnartussarsiuussinermut qinnuteqaatit qulit Kalaallit Nunaanni, Danmarkimi, Savalimmiuni, Islandimi aamma Norge-mi siunnersuisartoqatigiinneersut, tiguai, aammalu eqimattat

sisamat makkua piukkunneqassasut aalajangerluni:

• ISC Rådgivende Ingeniører A/S (Danmark) tamakkiisunut siunnersortitut, Vilhelm Lauridsen Arkitekter A/S (Danmark) aamma Spangenberg & Madsen A/S (Danmark) taassuma ataani siunnersortaassallutik.
• Nordic – Office of Architechture Danmark A/S (Danmark) tamakkiisumik siunnersortitut, MOE A/S (Danmark), Efla hf. (Island) aamma Anders Christensen, Rådgivende ingeniører ApS (Danmark) taassuma ataani siunnersortaassallutik.
• COWI A/S (Danmark) tamakkiisumik siunnersortitut, Zeso Architects ApS (Danmark) aamma Masanti A/S (Grønland) taassuma ataani siunnersortaassallutik.
• Rambøll Danmark A/S (Danmark) tamakkiisumik siunnersortitut, Rambøll Grønland A/S (Kalaallit Nunaat) aamma Bjarke Ingels Group A/S (Danmark) taassuma ataani siunnersortaassallutik, aammalu Clement & Carlsen Arkitekter ApS (Kalaallit Nunaat), Bjarke Ingels Group A/S-imut siunnersortaassalluni.
• Peqataanissamut piumasaqaataapput siunnersuutit isikkumikkut aammalu atorsinnaanerat eqqarsaatigalugu Kalaallit Nunaanni immikkuullarissuseqassasut, kiisalu nutaaliaasunik ilaasunut

atugassaqartitsisoqassasoq aamma suliassani tapiiffigineqanngitsumik ingerlataqartoqassasoq, ilanngullugit ilaatigut pisiniarfinnut akitsuuteqanngitsunik tuniniaasartunut, tammajuitsussanik tuniniaasartunut aamma angalasunut neriniartarfinnik /kaffisortarfinnik periarfissaqassasoq, kiisalu mittarfiit illutaanni allaffinnik attartornissamut periarfissaqassasoq.

Siunnersuisartoqatigiit piukkunneqartut terminalip aamma sullissiviit illutassaannut nutaanut taakkununnga siunnersuummik tunniussinissamut 2018-imi januaarip tungaanut piffissalerneqarput.

Kalallit Airports A/S peqatigisaanik naliliinissamut ataatsimiititaliamik pilersitsileruttorpoq, mittarfinnut ataasiakkanut tamaginnut siunnersuummik ajugaasussamik toqqaasussamik. Naliliinissamut ataatsimiititaliami ilaasortaassapput Jákup Sverri Kass aamma Aviâja Lennert-Lybert ingerlatseqatigiiffiup siulersuisuineersut, illussanik titartaasartoq aamma eqqumiitsuliortoq Naja Rosing-Asvid Kalaallit Nunaanneersoq, kiisalu ilaasortat marluk Illussaanik titartaasartut peqatigiiffiannit toqqarneqartussat.

Suliassat allat neqeroortitsigivineqartut assigalugit, aamma tamakkiisumik siunnersuisartunik unammisitsinermi siunnersuutip ajugaasussap toqqarneqarneranut atatillugu, peqataasut issittumi sulinermik misilittagaqarnerat pingaartinneqassaaq, taamaanngippat suliffeqarfiit nunanit allaneersut taamatut misilittagaqanngitsut, illussanik titartaasartut aamma ingeniørit suliffeqarfiinik najukkaneersunik, taamatut misilittagalinnik, suleqateqarnissaat pingaartinneqassalluni.

“Kalaallit Airports A/S-ip piukkunnartussarsiuussinermut qinnuteqarnissamut soqutiginninnerup annertunera naammagisimaartorujussuuaa, aammalu siunnersuisartoqatigiit Ilulissani, Nuummi aamma Qaqortumi teminalip aamma sullissiviit illutassaannut siunnersuutaasa tigunissaat isumalluarfigisorujussuullugu qilanaaralugu", oqarpoq pisortaq Steffen Ulrich-Lynge.