Qaartitsineq siulleq –Nuummi mittarfik

Pingasunngorneq ulloq 16/10-2019, Kalaallit Airports International A/S-i kiisami Nuummi nunanut allanut mittarfissamik sanaartornerup aallartinneranik malunnartitsisimavoq.

Tamanna malunnartinneqarpoq, Naalakkersuisut siulittaasuata, nukappiaraq arfineq-pingasunik ukiulik Inooraq Heinrich Larsen, qaartiterinermilu aqutsisoq peqatigalugu, qaartitsineq siulleq aallartimmassuk.

Ineqarnermut Attaveqaqatigiinnermullu Naalakkersuisoq, Kalaallit Airports Holdings A/S-ip qullersaqarfia, suleqatillu peqataapput. “Suliniummut peqataasunut tamanut ulloq pingaaruteqarpoq, taama oqaaseqarpoq Peter Wistoft nangillunilu, nalunngilara amerlasuujulluta, sanaartornermi suliat aallartinnerisa takusinnaalernissaat sivisuumik utaqqisimagipput. Qaartitsinerup tamanna tassa malunnartippaa”.

Assiliisoq Leiff Josefsen - Tusagassiorfik Sermitsiaq AG suleqatigalugu, Kalaallit Airports International A/S-ip malunnartitsinermit assit tulleriiaat uku suliarisimavai.

Assinik qimerluuisitsineq

Card image cap

Nummi qaartitsinermit siullermit assilissat