Nuummi Ilulissanilu mittarfissat Kalaallit Airports-ip suliariumannittussarsiuullugit aallartippai
Kalaallit Airports International A/S – selskabi Nuummi Ilulissanilu mittarfissanik ingerlatsisussaq Nuummi Ilulissanilu mittarfissanik nutaanik pilersitsinissani suliariumannittussarsiussineq maanna ingerlatsilerpaa – Nuummi mittarfissamut atatillugu ASN-imik nalunaarusiap akuersissutigineqareernerata kingorna.
Nuummi Ilulissanilu suliariumannittussarsiuussineq
“Maanna aqqutissami ujaqqat akornutaasimasut kingullersaat peersinnaanngorlugu, selskabillu ukiuni kingullerni politikkikkut aalajangiisarsimanerit najoqqutaralugit mittarfissanik suliniutit piareersarsimasai ingerlateqqissinnaanngorneri nuannaarutigaarput.” Peter Wistoft, Kalaallit Airports-imi pisortaq oqarpoq.
Kalaallit Airports International mittarfissat maanna suliariumannittussarsiuullugit aallarnisarpaa. Upernaap ingerlanerani neqeroortitsinnerit ingerlanneqassapput, aasap ingerlanerani sanaartugassanik suliassinneqartussaq toqqarneqarsimanissaa naatsorsuutigineqarpoq, toqqaareernerullu kinguninngua sanaartornissamut piareersaatit piaartumik aallarnisarneqarnissaat naatsorsuutigineqarpoq.
Pikkorinnersiukkat suliassat unammissutigissavaat
“Kalaallit Nunaanni sanaartugassat suliassaasut annersaat maanna aallarnisartussanngorpavut. Sanaartugassanik suliassinneqartussatut neqeroorusiortussat pikkorinnersiukkat nunanilu tamalaani tamani suliaqartartut suliakkiutissat akunnerminni unammissutigissavaat” Peter Wistoft oqarpoq, nangillunilu: “Eqqarsaatigilluakkanik unammillerluarsinnaasunillu neqeroorutinik tigusaqarnissarput naatsorsuutigaarput, tamatumani mittarfissanik sanaartornerup nalaani suliat ingerlanneqarnerini akornutaasinnaasunik sapinngisamik annikinnerpaaffissaminiititsinissanik aammattaaq qulakkeerinnissinnaasut,” naggasiilluni.
Qaqortoq
Kalaallit Airpors Domistic-ip Qaqortumi mittarfissap 1-500 meter-isut takissusilik pilersaarusiorlugu aallarnisarpaa, pilersaarusiorneqarneralu naammassiniariarpat aammattaaq suliariumannittussarsiuunneqassaaq, tamannalu ukioq 2020-imi naatsorsuutigineqarpoq pissasoq. Mittarfissaq Qaqortumi ukioq 2023 ukiup avinnerata sisamaani, mittarfissat marluk allat assigalugit aammattaaq piareerneqarnissaa naatsorsuutigineqarpoq.
Peter Wistoft oqarpoq:”Suliniutit ilusinilertormata, suliassallu nutaamik alloriarfigineqarneri nuannaarutigaarput.”
***
Annerusumik paasiniaaffissaq: Peter Wistoft, pisortaq – attavigineqarsinnaavoq oqarasuaat +45 25 42 40 33