Ilulissani Nuummilu mittarfiliornissamut neqeroorutit tiguagut
Nuummi Ilulissanilu mittarfiliornissamut sulisussanullu suliffeqarfiit neqeroorutaat Kalaallit Airports International A/S-ip tallimanngormat tiguai.
Neqeroortitsinissaq marloriarlugu sivitsoreersimallugu juunip 14-ani 2019 suliffeqarfiit neqeroornissaannut killigitinneqarpoq.”Qaammaterpassuit sulerujussuarnerit pissanganerlu suliffeqarfiit neqeroorutaanniik aallartinneqalerpoq, suliffeqarfiup toqqarnissaanut isumaqatiginniarnerit ingerlanneqassagamik”, pisortaq Peter Wistoft oqarpoq.
Neqeroorutit
Nalilersueqqissaariarlutik nunarsuaq tamakkerlugu suliffeqarfiit uku arfinillit mittarfiliornissamut neqeroorusiortippaat.
• Aarsleff – Ístak Joint Venture (Danmark/Island)
• BAM International bv. (Holland)
• China Communications Construction Company Ltd. (Kina)
• Munck Gruppen A/S (Danmark)
• MT Højgaard A/S (Danmark)
• Pennecon Dexter Joint Venture (Canada)
Aarslef-Istak piffissaq sivikitsoq ingerlareersoq neqeroorusiornissamut tunuarpoq, kingorna MT Højgaard aamma China Communications Construction Company Ltd. tunuarput. Suliffeqarfiit sinneruttut pingasut (BAM International bv Holland-imit, Pennecon Dexter Joint Venture Canada-mit aamma Munck Gruppen Danmark-imiit) mittarfiliornissaminnut neqeroorusiorput. Suliffeqarfiit tamarmik piffissarititaasup iluani neqeroorusiorsimapput.
”Entrepenørit pingasut neqeroorutaat tamaasa qujaruppagut, tamarmik nunami ajornaatsuunngitsumi sanaartornermik annertuumik misilittagaqarput. Suliffeqarfiit pingasut neqeroorusiaat qujaruteqaagut, nunatanilu ajornaatsuunngitsuni sanaartornermik annertuumik tamarmik misilittagaqarlutik ”, pisortap Peter Wistoftip naqissuserpaa nangilluniu: ”maannakkut neqeroorutit nalilersussallugit isumaqatiginninniarnissallu suliat pissanganartut aallartilerput. Qaammammi uani siulersuisut ataatsimiissapput suliffeqarfimmik Nuummi Ilulissanilu mittarfiliortussamik toqqaassallutik, mittarfiliornissat ukiaru aallartinneqassasut suli pilersaarutaavoq.”
***
Attavissaq pisortaq, Peter Wistoft, tel. +45 25 42 40 33.