Kalaallit Airports Domestic A/S Qaqortumi mittarfiliortitsinissamut neqeroorusiortitsilerpoq
Qaqortumi mittarfiliornissamut atatillugu Kalaallit Airports Domestic A/S suliffeqarfinnut neqeroorusiortitsilerpoq 31. januar 2020.
Suliffeqarfik toqqarneqartoq kingusinnerpaamik maj 2020 isumaqatigiissusiorfigineqassaaq 1500 meterimik mittarfiliornissamut pilersaarut aasaq 2020 aallartissinnaanngorlugu.
Suliffeqarfiit piukkunnassuseqartut naliligaasimasut tassaapput:- Pennecon Dexter Joint Venture
- MT Højgaard A/S
- & K Petersen Contractors P/F
- Aarsleff-Ístak JV
- Munck Gruppen a/s
”Qaqortumi mittarfiliornissamut neqeroorusiortitsineq piareerpoq, nuannaarutigaarpullu pilersaarut malillugu ingerlammat.” Peter Wistoft oqarpoq nangillunilu: ”Nuannaarutigaarputtaaq Qaqortumi miyttarfiliortitsinissaq piffissaq eqqorlugu ingerlasinnaasimammat Kalaallit Airports Domestic, siunnersuisugut oqartussallu annertuumik suliaqarsimapput. Naatsorsuutigaarput suliarilluakkanik unammillertunillu mittarfiliornissamut neqeroorusiortoqassasoq, Qaqortumi mittarfik qilanaarineqartumut”.
Mittarfiliorneq ukiuni pingasuni ingerlanneqassangatinneqarpoq piariissalluni ukiup 2023-p naanerani.
Imarisaanut saaffiginnissutit uunga ingerlanneqarsinnaapput: Pisortaq Peter Wistoft på peter@kair.gl