Kalaallit Airports pisortaaninngortussamik sulisussarsiorpoq.
Pisortaaneq, Peter Wistoft, nammineq kissaateqarnermigut, Danmarkimi nutaanik unammilligassarsiorniarluni, Kalaallit Airports Holding A/S-imi, aammalu ingerlatseqatigiiffinni immikkoortortaasuni Kalaallit Airports International A/S-imi aamma Kalaallit Airports Domestic A/S-imi atorfimminit soraarniuteqarpoq. Soraarniuteqarneq 30. september 2020 aallarnerfigalugu atuutilissaaq.
Annertuumik piginnaasaqartumik aallaqqaataaniilli mittarfiliassanut suliassani peqataasimasumik, aammalu suliassat siumut ingerlatinnissaannut annertoorujussuarmik suliniuteqarsimasumik annaasaqarnissaq siulersuisut ajuusaarutigaat, kisianni Peter Wistoft-ip aalajangiinera tusaatissatut tigullugu, oqarpoq siulersuisuni siulittaasoq Johannus Egholm Hansen, peqatigisaanik Peter Wistoft ingerlatseqatigiiffimmi suliaqarsimaneranut qutsavigalugu.
Nuummi, Ilulissani Qaqortumilu mittarfissat nutaat sanaartorneqarnerannik aammalu ingerlatsinerup piareersarneqarneranut suliaqarnermut siuttuusussamik pisortaaninngortussamik sulisussarsiornissamut suliap ingerlanissaa ingerlatseqatigiiffimmi siulersuisut ingerlaannaq aallartippaat.
Pisortaaninngortussap sulilernissaata tungaanut pisortaq Aviaaja Karlshøj Knudsen, ulluinnarni aqutsinermut akisussaasuussaaq, taamatullu siulersuisunut siulittaasoq aamma siulittaasup tullia, Christian Berg, suliassat annertunerusut suliarineqartussanngortut ilaannik suliaqarnermi pisortaatitanut ikiuutissaaq, tassani ilaallutik mittarfissani pingasuni tamaginni mittarfiit illutassaannut neqeroortitsinerup piareersarneqarnera, mittarfissanut pingasunut tamaginnut mittarfimmi teknikkikkut atortunik neqeroortitsineq aamma annaassiniarnermut atortunik neqeroortitsineq il.il. .
Tusagassiuutitigut nalunaarut manna pillugu saaffigineqarsinnaavoq Malene Lynge, attaveqaqatigiinnermut pisortaq, oqarasuaat 342146, PR@kair.gl imaluunniit siulersuisunut siulittaasoq Johannus Egholm Hansen, tel. +45 2389 8008.
Nuuk, ulloq 25. juni 2020
Siulersuisut