Kalaallit Airports Holding A/S-imi ataatsimeersuarneq
Kalaallit Airports Holding A/S-ip 10. juuni ataatsimeersuarnerani siulersuisunut ilaasortat marluk taarserneqarput. Taakkua saniatigut 2020-mut naatsorsuutit ingerlatseqatigiiffimmi tamakkiisumik piginneqataasumit, Namminersorlutik Oqartussanit akuerineqarput.
Kalaallit Airports Holding A/S-imi ulloq manna 2020-mut ukiumoortumik nalunaarusiaq aamma naatsorsuutit akuersissutigineqarput. 2020-mi angusat tassaapput -18,7 mio. kr.-inik amigartoorutit massa 2019-mi -28,4 mio. kr.-it amigartoorutigineqarsimasut.
Angusat suliffeqarfimmut KAIR-itut ittumut naatsorsuutigineqartunut naapertuupput. KAIR mittarfinnik sanaartornerit killiffiisa qeqqanut killissimavoq taamaammallu isertitanut naleqqiullugu aningaasartuuteqarnerulluni. Naatsorsuutit iluarisimaarneqarput aamma piginnittup nalunaarutit naatsorsuutillu saqqummiunneqarneri akuersissutigai.
Ataatsimeersuarnermi aamma Kalaallit Airports Holding A/S-imut siulersuisut nutaat qinerneqarput.
Maannamiit ukiunilu tulliuttuni siulersuisut tassaalerput:
- Kjeld Zacho Jørgensen, siulersuisunut siulittaasutut ingerlaqqittoq
- Niels Thomsen, siulersuisunut ilaasortatut ingerlaqqittoq
- Julia Pars, siulersuisunut ilaasortaq nutaaq
- Randi Vestergaard Evaldsen, siulersuisunut ilaasortaq nutaaq
Siulersuisunut ilaasortatut tunuartut:
- Christian Berg
- Finn Møller Gaarsmand
Kjeld Zacho Jørgensen ataasimeersuarnermi siulersuisunut siulittaasutut qinerneqaqqinnerminut qujavoq.
”Ilanngullugulu Christian Berg aamma Finn Møller Gaarsmand ukiuni qaangiuttuni siulersuisuni sulianut naammassisimasaannut annertuumik qujaffigerusuppakka kiisalu Julia Pars aamma Randi Vestergaard Evaldsen siulersuisunut tikilluaqquakka,” ataatsimeersuarnermi siulersuisut siulittaasua taama
oqaaseqarpoq.
Kalaallit Airports Gruppen
Imaneq 33, 5. Etage, P.O. Box 2000
3900 Nuuk, Grønland
Oqarasuaat: +299 34 21 40, E-mail: kair@kair.gl