Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Att. Tilde Roland Høberg
16. december 2020
Nuummi 2021-mi qaammatit pingasukkaat sisamaannut qillerinernik qaartiterinernillu suliaqarnernut piffissamut pilersaarut pillugu
Aallaqqaasiut
VVM-mut akuersissuteqarnermi allassimavoq, piffiissami sanaartorfiusumi qillerinernik qaartiterinernillu suliaqarnerit ingerlanneqarnissaannut pingaarnernut piffissamut pilersaarummik suliaqartoqassasoq. Piffissamut pilersaarummi qaartiterinermik ingerlatassatut pilersaarutigineqartut nassuiarneqassapput aammalu qaqqami qillerinernut aamma qaartiterinernut piffissat ilaatinneqassallutik. Pilersaarut qaammatinut pingasunut tullernut atuutissaaq aammalu qaartiterinernik suliaqarnerit ingerlatillugit, qaammatit pingasukkaarlugit nutarterneqartassalluni. Nuummi innuttaasut pilersaarut pillugu paasissutissiivigineqassapput, taamaalillutik ingerlatassatut pilersaarutigineqartut paasisimassallugit.
Allakkiaq manna 2021-mi qaammatit pingasukkaat sisamaanni qillerinernik qaartiterinernillu suliaqarnissanut pilersaarutigineqartunut pingaarnertigut piffissamut pilersaarummik imaqarpoq. Kalaallit Airports qaammatit pingasukkaarlugit piffissamut pilersaarutinik naapertuuttunngortitsisarpoq, taamaattumik pilersaarut manna 2021-mi oktobarimut, novembarimut aamma decembarimut atuuppoq.
Ilanngussaq 1-imi ilanngunneqartumi suliniutip nunaminertaa tamarmiusoq, qaartiterinernik ingerlataqarnissamut tunngatillugu sumiiffinnut arfinilinnut aggulunneqartoq, takussutissiarineqarpoq.
Sumiiffinnut qaartiteriviusussanut nunap assinga takussutissiaq
Suliassap nunaminertaa sumiiffinnut aggulunneqarluni, qaartiterinernik suliaqarnernut pingaarnernut pilersaarut, pingaartumik mittarfimmi ingerlatsinermut qaartiterinermi navianaateqartut iliuuseqarfigineqarnissaannut tunngassuteqarput. Sumiiffinnut agguluineq KAIR-ip entreprenørianit pingaarnernit – Munck Gruppen A/S kiisalu Munck Civil Engineering A/S (Munck) – suliarineqarpoq aammalu qaartiterinernik ingerlataqarnissamut tunngatillugu suliassap nunaminertaata nunami sumiiffinnut aggulunneqarneranut takutitsilluni. Takussutissiat qaartiterinermut isikkivittaqartut KAIR-imit suliarineqarput.
Qaartiterinernik ingerlataqarneq
Akuersissutit qaartiterinernut tunngassuteqartut tamarmik piniarneqareerput aammalu qaartiterinernik suliaqarnerit aallartinneqareerlutik. Qaartiterinernik suliaqarnerup annertunersaa sanaartornermut immikkoortumi ukiumi siullermi ingerlanneqarnissaa naatsorsuutigineqarpoq. Suliassaq maannakkut qaartiterinernut annertunerusunut (20.000 m³ sinnerlugu) killiffeqarpoq, taamaattoq taamatuttaaq qaartiterinerit annikinnerusut pisassallutik.
2021-mi qaammatit pingasukkaat sisamaanni qillerinerup qaartiterinerullu pingaarnersai sumiiffik 5-imi aamma 6-imi ingerlanneqassapput, kisianni aamma sumiiffinni allani 1-imi, 2-mi, 3-mi aamma 4-mi qaartitserisoqassaaq.
Piffissami 22-07 qaartiterisoqartassanngilaq.
Qillerinernik suliaqarnerit 2021-imi qaammatit pingasukkaat sisamaanni qaartiterinissanut pilersaarummut atasut
Munck-ip qillerinernut qamutit arlalissuit qaartiterinissanut qillerinernut atornissaat naatsorsuutigaa aammalu qillerinernik suliaqarneq ataasinngornermiit arfininngornermut, aammalu pisariaqarpat sapaammi, ulloq unnuarlu ingerlanneqassasoq.
SMS atorlugu kiffartuussineq
Kalaallit Airports SMS atorlugu kiffartuussinermik pilersitsivoq, tassani innuttaasut paasissutissinneqarnissamik kissaateqartut ilanngutsissinnaallutik, aammalu qaartitsinissaq sioqqullugu paasissutissinneqarsinnaallutik. Aaqqissuussinermut taamaattumut qanoq ilanngutsissinnaanerluni paasissutissat Kalaallit Airports A/S-ip nittartagaani ikkunneqassapput.
Ilanngussaq 1 – Munck-ip 2021-imi qaammatit pingasukkaat sisamaanni sumiiffiit qaartiterivissai.
Ilanngussaq 1
