Suliniutinik nakkutilliisussarsiorpugut
Aningaasaqarnermut, nakkutilliinermut suliniutinullu piginnaasaqarluarpit? Sanaartornermi aamma sanaartornermik suliffeqarfimmi sulinermik soqutigisaqarpit aamma/imaluunniit misilittagaqarpit – taava immaqa ilinnut suliffiusinnaavugut!
Kalaallit Airports Holding A/S-ip Kalaallit Nunaanni mittarfinnik arlalinnik sanaartornermik suliniutit annertuut aallartissimalerpaat. Taamaammat suliniutinik nakkutilliisumik suliniummut akisussaasup suliniutip aningaasaqarneranik aqutsineranut ataavartumik tapertaasussamik tunniusimasumik sullissiumatuumik ujaasivugut.
Nalinginnaasumik suliassap nassuiaataa
Suliniutinik nakkutilliisutut aningaasaqarnermik suleqatigiinnut teknikkimillu suleqatigiinnut ilanngutissaatit, tassani suliassaqarfiit suliassanik assigiinngitsorpassuarnik mittarfinnik suliniutit suliarineqarnerannut atulersinneqarnissaannullu tunngasunik suleqatigiittarput. Aningaasaqarnermut pisortaq ulluinnarni qaninnertut pisortarissavat.
Qullersaqarfipput Nuummi inissisimavoq, tassani Suliniutinut nakkutilliisorput pingaarnertut suliffeqassaaq.
Kalaallit Airports Holding A/S suliffeqarfiuvoq pisortanit pigineqartoq, Kalaallit Nunaanni mittarfiliortiternernik suliniutinik nutaanik pingasunik, Ilulissani, Nuummi Qaqortumilu suliarinnittoq. Mittarfinnik suliniutit inuiaqatigiinnut inuiaqatigiillu soqutinninnerannut pingaaruteqartorujussuupput, maani nunatsinni attaveqarnermik suliniutit annersaasa ilagaat, taamaalillutillu nunap aningaasaqarneranut pingaaruteqarluinnarlutik.
KAIR-ip aningaasaqarnera tamakkerlugu atorfik suliassaqarfiusoq pineqarpoq, suliassat tassani ingerlatsinermik nakkutilliinermik suliniutinik nakkutilliinermut tunngallutik.
Suliassat/piginnaasat pingaarnerit:
- Dynamics 365 atorlugu suliniummik aqutsinermut akisussaasoq
- Suliniutinut naatsorsuutinik aamma suliffeqarfissuarmut nalunaarusiornernik suliaqarneq.
- Sanaartornermut, sanaartornermi ingerlatsinermilu missingersuutinik suliaqarneq.
- Suliniutinut missingersuutinik ataavartumik nakkutilliineq kiisalu nutarterineq/kukkunersiuineq.
- Sanaartornermi suliani aamma ingerlatsinermut missingersuutinik ingerlatsineq.
- Suliniutit aningaasaqarnerisa aamma ingerlatsinerup aningaasaqarnerata akornanni pitsaasumik ataqatigiissitsinermik qulakkeerinninneq.
- Ataavartumik aningaasaqarnermik nalunaarusiornernut aamma misissueqqissaarnernut peqataaneq.
Piffissami aalajangersimasuni naatsorsuusiornernut, ukiumoortumik naatsorsuusiornernut aamma allaffimmi sulianut assigiinngitsunut atatillugu suliassaqartassaaq.
Inuttut ilisarnaatitit
Aaqqissorluakkamik periusilimmillu sulisarputit aamma suliat ingerlanerat suliassaqarfiillu paasisimasaqarfigaatit. Aningaasaqarnerup pitsaassutsini tamani paasissutissiissutigisinnaanera pingaaruteqarpoq.
Paasissutissanik paasinnilluarsinnaanerit, maanna aqutsinermik aaqqissuussaanitsinni ineriartornissamut periarfissanik takunnissinnaanerit, akisussaassuseqarnerit, kiffartuussilluarusunnerit aamma nammineq sulisinnaassuseqarnerit naatsorsuutigineqarpoq.
Suliffeqarfiugatta mikisoq, politikkikkut innuttaasunillu naatsorsuutigineqartut qaffasiffigisaat, pingaaruteqarpoq, avatangiisini tamatigoortuni sukkasuumik ingerlatseriaaseqarluni ulluinnartuni ilorrisimaarsinnaanissat sulisinnaanissallu pingaaruteqarpoq. Suliassappit ilarujussua tassaavoq suleqatigiinneq aamma aningaasaqarnermut tunngasunik suliniummik aqutsisunut aamma pisortanut siulersuisunullu paasissutissiineq.
Allattariarsornikkut nukittuujussaatit, suliassat ilarpassui tassaammata suleqatigisanut qullersanullu nalunaarusiorneq, uppernarsaasiorneq kiisalu paasissutissanik ingerlatitseqqittarneq.
Taamaattumik naatsorsuutigaarput:
- Aningaasaqarnermik naleqquttumik ilinniagaqarsimanissat – finansøkonom, HD imaluunniit assingusumik aningaasaqarnermut tunngasunik ilinniagaqarnissat.
- Minnerpaamik ukiuni tallimani nakkutilliinerup iluani imaluunniit assingusumik atorfimmi misilittagaqarnissat aamma suliffeqarfimmi ingerlatsinermik sanaartornermillu suliaqartunik ilisimasaqarnissat.
- Ulluinnarni suliaqarfiit pitsanngorsarneqarnerannut pisariillisarneqarnerannullu peqataarusussuseqartutit.
- Dynamics 365 (Axapta) ilisimasaqarfigissagit aamma suliniutinut modulianik ilisimasaqarneq iluaqutaassaaq.
- Office pakkenimik qarasaasialerinermilu aqutseriaatsinik assingusunik ulluinnarni atuisuusutit.
- Tuluttut oqaloqateqarsinnaasutit.
Neqeroorutigaavut:
Suliassat soqutiginartut ineriartortitsisullu. Suleqatitsialaat. Atorfimmi piumasaqaatit naapertorlugit akissarsiaqartitsineq, inuttut atugassarititaasut naapertorlugit. Feeria assigisaallu Kalaallit Nunaanni feeriartarnermut inatsit naapertorlugu pissarsiarineqarlutillu ingerlanneqassapput.
Tunuliaquttavit naammaginartumik atorfininnermut aamma piffissami atorfeqarfiusumi naammaginartumik angusaqarfiusimaneranik misissorneqarnissat atorfininnissamut piumasaqaataavoq.
Paasissutissat annertunerusut pissarsiarineqarsinnaapput aningaasaqarnermut pisortamut Dennis Serwin oqarasuaat +299 342145 aqqutigalugu saaffiginninnikkut.
Qinnuteqaatit CV-mik aamma soraarummernermut pappiaranik/uppernarsaatinik attuumassuteqartunik ilanngussivigineqartoq mail aqqutigalugu dse@kair.gl kingusinnerpaamik – qinnuteqaatit oqaloqatiginninnerillu ingerlaavartumik isumagineqassapput..