TERMINALI

Terminalip illutaa, sullissiviit illutaat aamma AFIS-nut napasuliaq

Ilulissani mittarfiup allilerneqarneranut atatillugu mittarfiup illutassai nutaat sananeqassapput. Tassani ilaatinneqarput terminalip illutaa nutaaq, sullissiviit illutaat kiisalu AFIS-nut napasuliaq nutaaq.

Illumi ilaasut tikittut 300-it aammalu aallartussat 300-it ataatsikkut isersimasinnaanngorlugit Ilulissani terminalip illutaa annertussusilerneqassaaq. Terminaleqarfimmi nutaami mittarfiup pigisaannut atortuinullu sullissinermi illutassamik sanasoqassaaq. Napasuliartaa terminaleqarfiup nutaap avannaani napasuliap illutaani immikkut inissinneqassaaq.

Siunissami mittarfissaq aammalu terminalip illutassai sinerissamut qaninnerusumi aammalu mittarfimmit pioreersumit avannarpasinnerusumi inissisimassapput. Mittarfiliornerup nalaani terminaleqarfissamut aqqutaagallartussamik aqqusiniliisoqassaaq. Mittarfik pioreersoq matuneqarpat, maannakkut mittarfiup aqqutaanit terminaleqarfissamut nutaamik aqqutissamik aqqusinniortoqassaaq.