MITTARFIK

Qaqortumi mittarfik 1500 meterinik takissusilik

Qaqortumi 1500 meterinik takissuteqartumik mittarfimmik aammalu terminaleqarfimmik tassunga atasumik, Qaqortup illoqarfiata avannaani sanasoqassasoq pilersaarutigineqarpoq. Mittarfiup isuini tamaginni atortulersuuteqarluni minnissamut (Non-precision) mittarfimmi atortulersuisoqassaaq.

Ilaasunut terminali, sullissinerit illutassaat aammalu napasuliap illutassaa immikkoortoq sananeqassapput. Entreprenørinut piukkunnartussarsiuussinermi piukkunneqartunut isumaqatiginninniarnerit ingerlapput. Sanaartornermik suliaqarneq 2020-imi qaammatini pingasuni kingullerni aallartinneqassasoq naatsorsuutigineqarpoq.