ALLAKKIAT
Qaqortumi mittarfimmut isumassarsianut tunngavissiaq
Namminersorlutik Oqartussat nunatsinni angallannikkut attaveqaqatigiinnerup pitsanngorsarnissaa kissaatigaat. Ilanngullugu Qaqortumi mittarfiliornissaq kissaatigineqarpoq.
Isumassarsianut tunngavissiaq manna tassaavoq sanaartornermik suliassanik piviusunngortitsinissaq pillugu aalajangiinissaq siunertaralugu Namminersorlutik Oqartussanit eqqarsaatigineqartunik, isumassarsianik pisariaqartitanillu piareersaaneq siulleq.
Politikkikkut kingullertigut (ref. 1 aamma 2) oqariartuutigineqartut isummernissamut tunngavissiamut tunngavissaliipput, taamatullu siusinnerusukkut misissuinerit nalilersuinerillu naleqqutsillugit taakkuninnga oqaasertalersuinermi ilanngunneqarput. Takuuk immikkoortoq 9-imi najoqqutassanut tunngaviusunut takussutissiaq.
Isumassarsianut tunngavissiaq aammattaaq mittarfiup pilersaarusiorneqarnerata maannakkut killiffia pillugu paasissutissanik imaqarpoq, ilanngullugu misissuinerit ingerlasut aammalu pisussat kiisalu oqartussanut tunngasut nassuiarneqarput. Isumassarsianut tunngavissiami pingaartumik teknikkimut tunngasut ilaatinneqarput.
Qaqortumi mittarfimmut isumassarsianut tunngavissiaq (qallunaatut)
Pinngortitamut sunniutaasussanik nalilersuineq
Mittarfissaq Qaqortup avannaaniittussaq illuliortiternermi sanaartornermilu suliassatut anginerusutut nalilerneqarmat, pinngortitamik illersuineq pillugu Inatsisartut inatsisaat nr. 29., 18. december 2003-meersoq naapertorlugu suliassap pinngortitamut sunniuteqarnissaanik nalilersuineq suliarineqartussaavoq.
pinngortitamut sunniutaasussanik nalilersuinermi, mittarfiup sanaartorneqarnerani ingerlanneqarneranilu pinngortitamut sunniisinnaanerit, ilaatinneqarput.
Pinngortitamut sunniutaasussanik nalilersuineq
Pinngortitamut tunngasut, pinngortitamut sunniutaasussanik nalilersuinermi nassuiarneqartut sammineqartullu, suliassamut pinngortitamut sunniutaasussanik nalilersuinerup nassuiaataanni aallarniutaasuni allassimapput.
Pinngortitamut tunngasut immikkuullarissut tassaapput:
- Naasut uumasullu
- Imermi tarajoqanngitsumiittut uumassusillit
- Angallannermut tunngasut
- Nipiliornerit sajukulaarnerillu
- Silaannarmik mingutsitsineq aamma aniatitsinerit
- Nunamik mingutsitsineq
- Nunap qaavaniittoq imeq aamma imikoornerit
- Kulturikkut oqaluttuarisaanermi soqutigisat
Nalilersuinermi sanaartornermut ingerlatsinermullu immikkoortumi suliassami ingerlatassat pillugit paasissutissat pigineqartut aallaavigineqarput. Sunniutaasussanik nalilersuinerit ajornerpaamik pisoqarnissaanut takussutissaapput – tassalu pisunut ajornerpaatut eqqarsaatigineqarsinnaasunut. Suliassami sukumiisumik sanaartugassamik pilersaarusiornermi ilusiligaanera ingerlatassallu sukumiisumik aalajangersarneqassapput, taamaattumillu sunniinerit pinngortitamut sunniutaasussanik nalilersuinermi naliliinermit annikinnerusut paasinarsisinnaavoq.
Nalilersuinermi periaaseq, pinngortitamut annertuumik sunniinissap ilimanaateqarnera pillugu paasiniaaviusussaq nalilersuiffiusussarlu, aallaavigineqarpoq. Sunniineq pitsaasuusinnaavoq imaluunniit pitsaanngitsuusinnaalluni.
Nalunaarusiaq tamakkiisoq uani atuaruk:
Pinngortitamut sunniutaasussanik nalilersuinerup tekniskiunngitsumik naalisarnera
Qaqortup avannaani mittarfissaq illuliortiternermi sanaartornermilu suliassatut anginerusutut nalilerneqarmat, pinngortitamik illersuineq pillugu Inatsisartut inatsisaat nr. 29., 18. december 2003-meersoq naapertorlugu suliassap pinngortitamut sunniuteqarnissaanik nalilersuineq suliarineqartussaavoq.
Pinngortitamut sunniutaasussanik nalilersuinermi, mittarfiup sanaartorneqarnerani ingerlanneqarneranilu pinngortitamut sunniisinnaanerit, ilaatinneqarput.
Matuma kinguliani sunniutaasussanik nalilersuinermut nalunaarusiaq tamarmiusumut, aamma nittartakkami matumani nassaarineqarsinnaasumut, naalisaaneq takuneqarsinnaavoq.
Pinngortitamut sunniutaasussanik nalilersuinerup tekniskiunngitsumik naalisarnera