TERMINALI

Terminali inunnik 200nik isersimaffigineqarsinnaasoq

Qaqortumi nutaamik mittarfiliornermut atatillugu mittarfik, terminalip illutaa, sullissiviit illutaat aammalu napasuliaq suliffiusussaq sananeqassapput.

Terminalip illutaa ilaasut tikittut 100-it aammalu aallartussat 100-it ataatsikkut isersimasinnaanngorlugit annertussusilerneqassaaq. Mittarfiup pigisaannut atortuinullu sullissiviit illutaat terminaleqarfimmi sananeqassaaq, napasuliaq suliffiusussaq terminaleqarfip nutaap kitaani napasuliap illutaani immikkoortumi inissinneqassalluni.

Mittarfik illoqarfiup avannaani sananeqassaaq. Kingusinnerusukkut mittarfik annerpaamik 1.799 meterinut allilerneqarsinnaanngorlugu, mittarfik aamma terminaleqarfik inissinneqassapput.