MITTARFIK

Mittarfiliorneq immikkoortunut arlalinnut aggulunneqartoq

Nuummi mittarfissaq 2.200 meterinik takissuseqartoq mittarfimmi pioreersumi, sanaartornerup nalaa tamaat atorneqartussami, pilersinneqassaaq.

Suliassami akuusut tamarmik akornanni pilersaarusioqqissaarnissaq, eqqortumik ingerlaavartumillu ataqatigiissaarinissaq pisariaqarpoq. 

Sanaartornermik suliaqarneq immikkoortunut arlalinnut aggulunneqarpoq. Mittarfiup kujammut isua pilersaarutit malillugit siulliulluni naammassineqassaaq atulerneqassallunilu. Tamatuma kingorna mittarfik pioreersoq matuneqassaaq aammalu mittarfissap avannamut isuani sanaartornermik suliaqarneq annertusarneqassalluni.

Sanaartornermik suliaqarneq naammassinniffiusussaq, avannamut isuani sanaartornermik suliaqarneq pingaarneq suliarineqareerpat, inaarsarneqassaaq. Sanaartornermik suliaqarnermi naammassinniffiusussami mittarfik tamarmiusoq asfaltilersorneqassaaq. Asfaltilersuineq suliarineqareerpat, mittarfik 2.200 meteri naammassisoq atorneqalersinnaavoq.