2022
Nuummi mittarfittaassap immikkoortua siulleq ammarpoq
Nuup Mittarfiani mittarfittaassap kujasinnerusortaa maannakkut akuerineqarpoq atorneqarnissaminullu piareerluni. Taamaattumik timmisartut siulliit pilersaarutit malillugit ulloq 3. november qangattarlutillu missapput. Mittarfiup kujasinnerusortaata naammassinera mittarfiliassanik sanaartornermi killiffiuvoq annertooq.
tallimanngorneq - 04. novembarip 2022
Kalaallit Airports Domestic aamma MT Højgaard sanaartugassamut pilersaarusiornerup ingerlanissaa pillugu isumaqatigiissuteqarput
Qaqortumi mittarfissami terminalip illutassaanut tamakkiisunut sanaartugassanut akigititassanut isumaqatigiissuteqarnissaq siunertaralugu, ataatsimoorluni sanaartugassamut pilersaarusiornerata ingerlanissaa pillugu suleqatigiinnissamut isumaqatigiissut Kalaallit Airports Domestic-ip aamma MT Højgaard-ip atsioqqammerpaat.
tallimanngorneq - 07. oktobarip 2022
Ilulissani mittarfiliorfimmi ammasumik qaaqqusineq
Ilaqutatit katersukkit, kamippatit singersukkit aammalu sapaat ulloq 28. august nal. 13 aamma 16 akornanni Ilulissani nunanit tamalaaniit timmisartunut mittarfissap nutaap sanaartorneqarnerani sumut killinnersugut takuniarlugu aggerit.
pingasunngorneq - 24. aggustip 2022
Naalakkersuisut Siulittaasuat mittarfiliorluni sanaartorfimmut mippoq
Naalakkersuisut Siulittaasuat Múte Bourup Egede ataasinngormat Kalaallit Airportsimut pulaarpoq. Naapinneq Nuummi mittarfiliorluni sanaartorfiup eqqaani tammaarsimaarfimmi pivoq, tassani Kalaallit Airportsimi siulersuisut siulittaasuat Kjeld Zacho Jørgensen aamma pisortaaneq Jens Lauridsen tikilluaqqusisuupput.
pingasunngorneq - 24. aggustip 2022
Silaannakkut angallannermut nuisitsinermi ataatsimoorluni suliniuteqarneq: Soqutiginninneq annertoorujussuuvoq – kisianni Kalaallit Nunaata asseqannginnera naammanngilaq
Nuisitsinermi Routes Europe 2022, naammasseqqammersumi nunani tamalaani silaannakkut angallannermut ingerlatseqatigiiffinnit soqutiginninneq annertoorujussuusoq Visit Greenlandip aamma Kalaallit Airportsip malugaat – aammalu mittarfissat nutaat ammarpata Kalaallit Nunaannut tikeraarusuttunut neqeroorutit atortorissaarutillu amerlanerusut sulissutiginissaat pisariaqartinneqartoq tikkuarlugu.
sisamanngorneq - 16. juunip 2022
Qaqortumi mittarfiliassaq pillugu innuttaasunik ataatsimiititsineq
Mittarfik qanoq isikkoqassava? Sanaartorneq qanoq ingerlassava aammalu suliassaq najukkami innuttaasunut qanoq sunniissava? Ulloq 27. april Campus Kujallermi nammineerlutit aggerlutit apeqqutit tamaasa akissutissarsikkit aammalu apeqqutissatit nammineq apeqqutigalugit.
tallimanngorneq - 06. maajip 2022
Mittarfiliortoqarnera peqqutigalugu aqqusinermik matusineq
Aqquserngup ilaa, Siaqqinnerup parnaarussiviullu tungaanut aqqut akornganni aqqusineq martsip 28-aniit matuneqassaaq. Mittarfiliassagaanni aammalu parnaarussiviliassagaanni aqqut Illerngit 2001 aqqutigineqassaaq.
sisamanngorneq - 17. marsip 2022
Tusagassiuutitigut nalunaarut
Ilulissani mittarfissaq pillugu innuttaasunik ataatsimiititsinermut aggerit
sisamanngorneq - 10. marsip 2022
Qaqortumi mittarfissami mittarfimmut isumaqatigiissut inissippoq
Qaqortumi mittarfissap mittarfittassaata sanaartornissaa Canadamiut Pennecon Heavy Civil suliassarilerpaa. Isumaqatigiissut atsiorneqareerpoq aammalu sanaartornermik suliaqarneq upernaamut aallartissaaq.
pingasunngorneq - 23. februaarip 2022